Ички иштер министрлигинин “Бетме-Бет” гезитинин башкы редактору Бакыт Сеитов “Азаттыкка” түндө Жалал-Абат шаарында жана Сузакта тополоң, кагылышуулар болгон жок, деп билдирди. Болгону документи жок жүргөн беш адам кармалганын маалымдады. Облустагы кабарчыбыз Ырыспай Абдраимовдун айтымында, азыр шаар жандана баштады. Кечээ убактылуу өкмөт Жалал-Абат шаары менен Сузак районуна 1-июнга чейин өзгөчө абал киргизүү тууралуу чечим чагарган. Ага ылайык кечки саат сегизден таңкы алтыга чейин коменданттык саат жарыяланды. Жалал-Абаттагы кечээки тополоңдо эки адам өлүм, жетимиштен ашуун киши жараат алды. (EBM)
