Кандагардын аба майданында турган НАТОнун базасын талиптер ракета менен аткылап, жерден кол салышкан. НАТО өзүнүн бир нече аскердик жана бейаскер кызматкерлери жараат алгандыгын, бирок талиптер базага кире албагандыгын билдирди. Мындан мурдараак НАТОнун Баграмдагы эң ири базаларынын бирине кол салуу болгондо бир америкалык бейаскер кызматчы окко учуп, тогуз америкалык аскер жараат алган.
