Бул каражат өз кезегинде бериле тургандыгын Убактылуу өкмөт жетекчисинин орун басары Өмүрбек Текебаев бүгүн Ош жана Бишкек облус жана райондук администрация жетекчилери, шаар мэрлери менен болгон аудиоконференциясында билдирди. Ө.Текебаевдин айтымында, конституциялык реформа жөнүндө эл арасында түшүндүрүү иштери жүргүзүлүп жатат. Ал 27-июнда боло турган референдумда негизги кыйынчылык шайлоочулардын жана ички, тышкы мигранттардын тизмесин түзүү болушу мүмкүндүгун белгилеген. Мындай шартта кошумча тизмелер түзүлөт. Референдумду өткөрүүгө көмөк көрсөтүү максатында курамына юристтер кирген тогуз мобилдүү топ түзүлдү. Бул тууралуу Убактылуу өкмөттүн басма сөз кызматынан кабарлашты.(КЕ)
