Мектептерге шахмат сабагы сунушталды

Мындай сунушту Эл аралык шахмат федерациясынын башчысы, Калмыкиянын президенти Кирсан Илюмжанов бүгүн Бишкектеги маалымат жыйында кабарлады. Ал бул багытта Билим берүү жана илим министрлиги менен сүйлөшүүлөрдү жүргүзөөрүн айтты. “Шахмат – бул балдардын аң-сезимин өстүрүп, терс көрүнүштөрдөн арылтат. Бул – баңгизат менен күрөшүүнүн бир жолу”, - деп белгиледи.

Ал Кыргызстанда шахмат оюну кийинки пландарга жылып кеткенин сынга алып, өлкөгө шахмат үйүн ачуу зарылдыгын кошумчалады.
(КЕ)