Британ полициясынын маалыматына ылайык, кечээ өлкөнүн түндүк-чыгыш аймагында такси айдоочусу көчөдө кетип бараткан 12 кишини атып өлтүрдү. Ал машинасынын терезесин ачып туруп, туш келди ок чыгарган. Премьер-министр Дэвид Камерон адамдардын өлүмүнө байланыштуу өкүнүчүн билдирип, курман болгондордун жакындарына көңүл айтты. Полиция 52 жаштагы Деррик Бөрддин сөөгүн тапты. Ал өзүн өзү атып өлтүргөн болушу керек. Британияда курал алып жүрүү мыйзамдары өтө катаң.
