Массуд Барзанинин түрк тышкы иштер министри Ахмет Давутоглы менен сүйлөшүүлөрүндө талкуулануучу негизги маселе – Ирактын түндүгүндөгү күрд жикчилерине каршы көрүлүүчү чаралар. Бул тууралуу түрк тышкы иштер министрлиги билдирди. Түркия Күрд жумушчу партиясынын Түндүк Ирактагы базаларына буга чейин бир нече ирет абадан сокку урган. Бүгүнкү жолугушууда тараптар Түркия менен Ирактын Күрд аймагынын өз ара кызматташтыгын да талкуулары күтүлүүдө.
