Футбол боюнча Дүйнө чемпионатынын ачылышына жана финалына Түштүк Африканын мурдагы президенти Нелсон Мандела катышат. Акыркы кезде 91 жаштагы Мандела элге көп чыкпай калган. Кечээ ал Йоханнесбургда түштүкафрикалык футболисттер менен жолугушуп, аларга ийгилик каалады. Дүйнө чемпионаты туура 1 жумадан кийин, 11-июнда башталууда. Алгачкы матчта талаа кожоюндары менен Мексика таймашат.
