Линктер

жекшемби, 11-декабрь, 2016 Бишкек убактысы 12:17

Жалал-Абад: Селден жабыркагандарга жардам берилүүдө


Жалал-Абад шаардык мэриясынын маалымат кызматы селдин айынан шаарда 100дөн ашык турак-жай жабыр тартканын 4-июнда билдирди. Алардын көпчүлүгүнө суу кирип, ылай басып калган. Алдын-ала маалыматта 9 үй жарактан чыкканы айтылат. Турак-жайлары жашоого жараксыз болгон 46 адам шаардык мейманканага убактылуу жайгаштырылды. Алардын тамак-ашы менен шаарды тазалоо жумуштарына Жалал-Абад шаар кеңеши тиешелүү акча каражаттын бөлүп берди.

3-июнь түнү мөндүр аралаш эки саат тынбай жааган нөшөрдөн улам облус борбору менен Сузак, Базар-Коргон жана Ноокен районунда сел жүргөн. Облус боюнча канча турак-жай жабыр тартканы тууралуу чукул кырдаал министрлигинин жергиликтүү башкармасы маалымат бере элек. Башкармалык Ош шаарынан 50 куткаруучу келип, облустагы селден жабыр тарткан адамдарга жардам берип жаткандыгын билдирди. (YA)

Азаттык Фейсбукта

XS
SM
MD
LG