"Youth of Osh" же “Ош жаштары" деп аталган уюмдун жетекчиси Айжан Токтошеванын "Азаттыкка" билдиришинче, азыр Оштун көчөлөрүндө тартип коргоочулар жетишсиз болгондуктан, тургундар өздөрү жашаган райондордо жолдорду тосмолоп, өз алдынча коргонуунун аракетинде болуп жатышат. Уюмдун өкүлдөрү кыргыз-өзбек бирдиктүү кошуундарды уюштуруп жатышат жана бийликтерден жардам болсо, тартип коргоочулар менен аскерлердин коштоосунда көчөлөрдү кыдырып, ар кандай коркунучка туш келген шаар тургундарын куткаруу жана эл арасында түшүндүрүү иштерин жүргүзүүнү көздөшүүдө. Уюмдун байланыш телефону: 0557122040
