Америка Кошмо Штаттары Кыргыз бийликтерин Ош шаарында жана башка этникалык кагылыштар болгон жерлердеги тынчтыкты жана коомдук тартипти тез арада орнотууга чакырды. АКШ Мамлекеттик департаментинин билдирүүсүндө Вашингтон Кыргызстандагы жагдайга кылдат байкоо салып турганы, ошондой эле Улуттар Уюму менен Европадагы коопсуздук жана кызматташуу уюмунун Кыргызстанда тынчтык орнотуу, калабада жабыркагандарга гумантитардык жардам көрсөтүү аракеттерин колдоору белгиленет.
