Түштүк Африкада миңдеген адам көчөгө чыгып, өкмөт футбол боюнча дүйнөлүк чемпионатка өтө эле көп каражат сарптап жатат деген нааразылыгын билдиришти. Дурбан шаарында 3 миңдей киши өлкөнүн миллиондогон жарандары жакырчылыкта жашап жатканда ФИФА жана өкмөт ушунчалык акча коротуп жатат деп айыпташты. Түштүк Африка ФИФАнын талабы боюнча турнирге 4,3 миллиард доллар сарптаган. Бүгүн өлкөдө апартеидге каршы көтөрүлүштүн 34 жылдыгы белгиленүүдө.
