Орусиядагы кыргыз элчилиги Кыргызстандын түштүгүндө каза тапкандарды эскерүү китебин ачты. Улут аралык араздашуудан каза тапкандарга көңүл айтуу ниети менен элчиликке Казакстан, Тажикстан, Украина, Беларус, Сербия, Словения, Уганда, Молдова, Зеландия, Түркия, Бразилия, Армения, Чили, жана Ирандын дипломатиялык өкүлдөрү келип кетишти. Ошондой эле Орусияда иш алып барган эл аралык уюмдардан, Москва тургундарынан, илимий жана чыгармачыл чөйрөдөн да көңүл айтуулар түшүп жатат. (EK)
