Армения коргоо министрлиги тараткан маалыматка ылайык, Тоолуу Карабакта Азербайжандын куралдуу тобу менен болгон кармашта армениялык 4 аскер каза болду. Армениянын тышкы иштер министри Эдуард Налбандян түнкү ок атышуу тынчтык сүйлөшүүлөрүн үзгүлтүккө учуратууну көздөп даярдалган деп, Бакуну айыптады. Азербайжан тышкы иштер министри Элхан Полухов буга жооп кайтарып, Азербайжан жерин оккупяциялоодон келип чыккан окуяны комменатриялоо Налбандяндын ыйгарымына кирбейт деди. Дагы бир кабарга караганда, кагылышууда азербайжандык 1 аскер окко учту.
