Абдулмалик Риги быйыл февралда Дубайдан Кыргызстанга бараткан учакта кармалган. Аны аскерлерге кол салган, аларды өлтүргөн, куралдуу каракчылык жасаган, полиция менен жайкын жарандардын өмүрүн кыйган деп айыптап, өлүм жазасына өкүм кылышкан эле. ИРНА агенттиги ал өткөн түнү дарга асылганын кабарлады. Сүннүлөрдүн радикалдуу "Жундалла" тобу Ирандын түштүк-чыгышындагы Систан жана Белужистан провинцияларында коопсуздук кызматкерлеринин жогорку даражалуу жоон топ өкүлүн жардырып өлтүргөн жанкечтилик иштин жоопкерчилигин өзүнө алган.
