Тышкы иштер министрлиги жана премьер-министрдин кеңсеси алдындагы митингдерге кыргыз жаштарына санаалаштык билдирген Лондондогу университеттердин студенттери менен окутуучулары да катышты. Кабыл алынган кайрылууда медиа чөйрөсүндө иштегендерди Кыргызстандагы окуяларды калыс чагылдырууну, Батыш коомчулугун өлкөгө кыйын кырдаалдан чыгуу үчүн гуманитардык жардам көрсөтүүнү, ал эми британ өкмөтүнөн Максим Бакиевди Бишкекке өткөрүп берүүнү өтүнүштү.
