Коопсуздук кеңешинин жабык эшик артындагы жыйынында кырдаал боюнча БУУнун башкатчысынын саясий маселелер боюнча жардамчысы Оскар Фернандес- Таранконун маалыматы угулган. БУУнун өкүлү өз сөзүндө Ош , Жалал – Абадда кырдаал турукташканы менен жаңы кагылышуулар чыгып кетеби деген коркунуч жана улут аралык мамиледеги чыңалуу сакталып жатканын белгилеген. Рейтер агенттигинин кабарына караганда, Орусиянын БУУдагы элчиси Виталий Чуркин өз сөзүндө учурдагы кризис акыр аягында Кыргызстандын ички иши экендигин жана аны кыргыз өкмөтү өзү чечүүсү керектигине токтолгон.
