БРИК тобун түзгөн Бразилия, Россия, Индия жана Кытайдын лидерлеринин Канадада өтчү кездешүүсү болбой калды. Себеби президент Луис Инасиу Лула да Силва Бразилиядагы суу ташкындан улам мекенине шашылыш жөнөп кетти. Лидерлер Чоң жыйырманын жыйынынан тышкары убакытта кездешмек.
БРИК өлкөлөрү дүйнөлүк ички дүң жыйымдын 16,5 процентин өндүрөт жана эл аралык финансылык мекемелерде өсүп бараткан кубатына жараша добушка ээ болууга умтулуп жүрүшөт. Бул төрт өлкөдө дүйнө калкынын 43 проценти жашайт.
