Грузиянын президенти Михаил Саакашвили Орусия менен алаканы нормалдаштыруу боюнча сүйлөшүүлөргө даяр экенин билдирди. Саакашвилинин айтымында, Грузия Орусия менен алаканы калыбына келтирүү үчүн алдын ала эч кандай талап койбой туруп сүйлөшүүлөргө “толугу менен даяр”. Москва менен Тбилиси 2008-жылдын августундагы согуштан бери дипломатиялык алакаларын үзүп салышкан.
