Бүгүн АКШнын мамлекеттик катчысынын калкты жайгаштыруу, качкындар жана миграция маселелери боюнча жардамчысы Эрик Шварц оштогу июнь айындагы коогалаңда үй-жайын таштап качкандардын ал-абалы менен жеринде таанышты. Оштон келген соң ал Өткөөл мезгилдин президенти Роза Отунбаева менен жолугушту. Эрик Шварц эки күндүк иш сапарынын жыйынтыгы тууралуу маалымат жыйынын түштөн кийин өткөрүп, жарандык уюмдун өкүлдөрү менен жолугушуусу күтүлүүдө. Бул тууралуу “Азаттыкка” АКШнын Кыргызстандагы элчилигинин басма сөз кызматынан кабарлашты. Эрик Шварц Кыргызстанга кечээ келген. (AJ)
