Өзбекстандын чек ара бекетин уруксатсыз сүрөткө тарткандыгы үчүн өзбек чек арачылары кармап кеткен бишкектик студент Акылбек Жаанбаев бир жумадан кийин Баткен облустук акимчилигинин кийлигишүүсүнүн натыйжасында бошонуп чыкты. Облустук акимчиликтин укук коргоо жана коргонуу бөлүмүнүн башчысы Таштемир Эшалиевдин айтымында, өткөн аптада аталган студент жайкы эс алууга келе жатып Өзбекстандын «Япаги» чек ара бекетинен өтүп баратканда чек ара бекетин уруксатсыз сүрөткө алгандыгы үчүн кармалып, Өзбекстандын Фергана шаарына кармоочу жайга жеткирилген экен. (JsA)
