Кечээ европалык парламент өз отурумунун күн тартибине Кыргызстандагы абалды талкуулоону киргизди. Евробиримдиктин тышкы иштер жана коопсуздук саясаты боюнча жогорку өкүлү Кэтрин Эштон, Европарламент Кыргызстан президенттик башкаруудан парламенттик системага өтүп, аны жалпы элдик референдум менен бекиткенине көңүл бурат деп билдирди. Ошондой эле Эштон кыргыз бийлигин 10-октябрга белгиленген парламенттик шайлоону Евробиримдиктин стандарттарына толук жооп бергидей шартта өткөрүүгө чакырды.
