Лондон өкмөтүнүн премьер-министри Дэвид Кэмерон менен Вашингтондо өткөргөн маалымат жыйынында президент Барак Обама ушундай деп билдирди. Сүйлөшүүлөр учурунда Ооганстандагы кырдаал талкууланды. Мындан тышкары тараптар Ирандын атомдук программасын жана Жакынкы Чыгыштагы тынчтык процессин туюктан чыгаруу маселесин сөз кылышты. Бул Кэмерондун британ өкмөтүнүн башчысы катары чет өлкөдөгү биринчи визити болду.
