Ооган өкмөтүнүн маалымдашынча, кандуу окуя өткөн аптада өлкө түштүгүндөгү Гелманд провинциясында болгон. Өкмөт өкүлү Сыямак Геравинин сөзүнчө, оогандар НАТО башындагы күчтөр менен талип козголоңчулары ортосундагы уруштан качып, бекинген үйгө ракета тийген. Ооган президенти Хамид Карзай атайын кайрылуусунда НАТОлук аскерлерди аскерий операция кезинде карапайым элдин өмүрүнө зыян келтирбөөгө чакырды. НАТОнун жетекчилиги окуяны иликтөө үчүн эки жактуу комиссия түзүлгөнүн маалымдады.
