Бул тууралуу президент Роза Отунбаева ушул тапта өтүп жаткан Эл аралык донорлор уюмунун форумунда билдирди. Өлкө башчысы жаңы өкмөттүн алдында саясий атаандаштыктын негизин түзүү, идеяларды эркин билдирүү, бийликти узурпациялоого жол бербөө, Орто Азияда биринчилерден болуп Жогорку Кеңешке көп партиялуу шайлоону ачык, калыс өткөрүү милдети турганын белгиледи. Ал ошондой эле Ош, Жалал-Абаддагы кайгылуу окуяда жабыркаган калк жашаган аймактарды калыбына келтирүү үчүн 350 миллион доллардан ашык каражат керектигин, андан сырткары түштүктүн экономикасын көтөрүү үчүн 100 миллон доллар сарпталарын айтты. (AJ)
