Аскерий мекеменин өкүлү Дейв Лейпэн документтерде Ооганстандагы америкалык жана союздаш аскерлердин коопсуздугуна коркунуч келтире турган маанилүү маалыматтар бар же жок экенин, алардын жалпы зыянын аныктап чыгуу үчүн бир нече апта керек болорун бышыктады. Мамлекеттик департаменттин өкүлү Филипп Кроули аскерий жашыруун материалдардын Викиликс сайтына чыгып кеткенин айыптады. Документтерде бир нече жыл мурдагы маалыматтар камтылганын айтып, алар улуттук коопсуздук кызыкчылыгынан алганда АКШнын камтамачылыгын жарата албайт деп ишендирди.