Кыргызстанда кыргыз киносуна арналган сайт ачылат

«Кинематографты өнүктүрүү фондунун» билдиришинче, «Kyrgyz сinema» сайтында Кыргызстандын жана Борбордук Азия өлкөлөрүнүн кино чөйрөсүндө болуп жаткан окуялар, жаңы кино долбоорлор, фестивалдар жөнүндө маалыматтар орун алат. Мындан тышкары кыргыз киносунун белгилүү жана жаш ишмерлери жөнүндө да кабарлар жарыяланып турат.

Бул сайт кыргыз киночулары менен башка өлкөлөрдүн кинематографисттеринин ортосундагы байланышты өнүктүрүп, Кыргызстандагы долбоорлорду ишке ашыруу үчүн чет элдик компанияларды тартууга багытталган. Жакынкы күндөрдө сайттын ачылышы болоору күтүлүүдө.(AzK)