Бул тууралуу бүгүн маалымат жыйынында Мамлекеттик мүлк министри Шералы Абдылдаев билдирди. Анын айтымында, бул объекттердин бардыгы 2005-2010-жылдар аралыгында, мурдагы президент Курманбек Бакиевдин тушунда мыйзамсыз менчиктештирилген. Алардын арасына “Бишкек ликер” арак заводу, “Альфа-телеком” уюлтук компаниясы, “Чакан-ГЭС” ишканасы, “АзияУниверсалБанкы”, “Бавария-38 крузер” яхтасы, ЯК-40 учагы, “Каприз”, “Витязь” “Аврора грин” сыяктуу пансионаттар бар. Эми алардын он төртү сатууга коюлса, экөө муниципалдык менчикке берилмекчи. Улутташтырылган объекттердин он сегизи мамлекеттин карамагында калмакчы. (IJz)
