Орусиянын саламаттык сактоосунун жогорку расмий өкүлдөрү Москадагы ысыктын айынан набыт боллгондордун саны кадимки күндөргө салыштырганда эки эсе өскөндүгүн билдирди. Шаардык саламаттык сактоо департаментинин башчысы Андрей Сельцовски кадимки шартта шаар боюнча күнүгө көз жумгандардын саны 360-380 кишиге жетсе, бул күндөрү 700 айланасында экендигин билдирди. Шаардык жасатканалардагы 1500 орундун 1300 толгондугун дагы кошумчалады.
