Түштүк Кореянын балык кармоочу кайыгы ичиндеги балыкчылары менен бирге дем алыш күндөрү кармалган. Кармалгандардын төртөө корей, үчөө кытай. Жапон деңизинде болгон бул окуя эки коңшу өлкөнүн ортосунда бир нече айдан бери өкүп сүрүп келе жаткан чыңалууну күчөттү. Түштүк Кореянын жээк кызматынын айтымында, кайык кармалган кезде деңиздин Түндүк Корея өз аймагы катары эсептеген бөлүгүнө кирип кеткен болушу мүмкүн. Сеул Пхеньянды “балыкчыларды эл аралык мыйзамдардын, салт-санаанын негизинде жана гуманитардык” жүйөөдөн улам бошотууга чакырууда. Пхеньян окуя боюнча эч нерсе айта элек.
