Сингапур олимпиадасында Кыргызстандык күрөшчү чемпион болду

Улуттук олимпиада комитетинин басма сөз катчылыгынан “Азаттыкка” билдиришкендей Сингапурдагы Жаштардын I олимпиадасында грек-рим күрөшү боюнча Урмат Аматов украиналык күрөшчү Александр Литвиновду жеңип чемпион болду. Ошентип Кыргызстандын эсебине алгачкы алтын медаль келди.

Мындан бир канча саат мурда кыргызстандык балбан Шадыбек Сулайманов кубалык күрөшчүнү утуп чыгып коло медалга ээ болгон эле. (KKs)