Кытайда экономикалык кылмыш жасаган адамдарды өлүм жазасына тартуу токтотулушу мүмкүн. Өкмөттүк Синьхуа агенттигинин кабарлашынча, Кылмыш кодексине тиешелүү өзгөртүү киргизүү жөнүндөгү мыйзам долбоору Кытай элдик жыйынынын туруктуу комитетине жөнөтүлгөн. Түзөтүү кабыл алынча, өлүм жазасына тартылчу 68 кылмыш 13кө кыскарат.
Кытайда жылына канча адам жогорку жазага тартылары - мамлекеттик сыр. Бирок Эл аралык мунапыс уюмунун эсебинче, жылыга өлкөдө миңдеген адамдар жогорку жазага тартылат жана бул жагынан Кытай дүйнөдө биринчи орунда турат.
