Режиссер Н.Эгендин жаңы тасмасынын бет ачары болот

“Санжыра” кинокомпаниясы чыгарган “Манастын төрөлүшүн утурлап” аттуу толук метраждуу даректүү тасманы тартуу идеясы эки жыл мурун жаралган. Режиссер Нурбек Эген азыркы заман жана адамдар тууралуу ой-жүгүртүүсүн жаш муунга арнаган. “Анткени азыркы замандагы улуттук аң-сезим маселесин жана андагы өзүнүн ордун так ушул жаштар аныктап алуусу абзел”, - деп эсептейт Н.Эген. Тасмада коомдун ар кандай кесиптеги кызыктуу, көп кырдуу делген замандаштар тартылып, алардын тагдыры чагылдырылган. Режиссер муну менен Кыргызстандын учурдагы абалын көрсөтүүгө умтулган.

Фильмдин бет ачары 30-августта Бишкектеги “Ала-Тоо” кинотеатрында болот. (КЕ)