Ооганстандын АКШдагы элчиси Сайид Жавад кызматтан 22-сентябрда кетерин билдирди. Элчи Вашингтондогу элчиканада Орозо күндөрү болгон сый тамак маалында аялдар жеңи кыска көйнөкчөн алкоголдук ичимдик ичип отурганын күбөлөгөн сүрөттөр жарыяланып кеткенден улам кызматтан кетирилүүдө деген маалыматты Жавад мырза четке какты. Ал Си-Эн-Эн телеканалына берген маекте мусулмандардын үрп-адатын эч качан бузбаганын, ага каршы “сасык кампания” Кабылдан башат алганын белгиледи. Сайид Жавад Вашингтондо соңку жети жылда элчилик кылды.
