Азербайжан Тоолуу Карабактагы кырдаал боюнча Улуттар Уюмунун Башкы Ассамблеясына жөнөткөн резолюциянын долбоорун азыр эмес, ассамблеянын ушул айдагы башка сессиясында кароону өтүндү. Азербайжан элчиси Агшин Мехдиев “Азаттыкка” берген интервьюда, мындай өтүнүчтү Европадагы коопсуздук жана кызматташуу уюмунун арачылары региондо кырдаалды изилдеп жатканы менен түшүндүрдү.
