Бишкектеги Эски аянтта айт намазы окулду

Бишкекте Жогорку Кеңештин имаратынын алдындагы Эски аянтта таңкы саат сегизге белгиленген айт намазына кеминде 50 миңден ашуун киши катышты. Мындай маалыматты "Азаттыктын" кабарчысына аянттагы коопсуздукту камсыз кылып турган тартип сактоо кызматкерлери билдиришти. Ошол эле учурда динаятчылардын баамында намазга 70-80 миңдей шаар тургундары катышты.
Айт намазына президенттин администрация башчысы Эмил Каптагаев, Ирандын элчиси Манучехр Моради да келип, жалпы мусулмандарга тилектерин билдиришти. (KKs)