Өлкөнүн түндүк-чыгышындагы Файз-Абатта Орозо айттагы намаздан кийин миңдеген киши шаарда турган НАТОнун базасын таш бараңга алды. Коопсуздук кызматчылары ок ачканда үч киши жарадар болду. Нааразылык акциялары дагы бир нече дубанда өттү. Флорида штатындагы чакан чиркөөнүн 2001-жылдын 11-сентябрындагы АКШдагы террордук чабуулдун мааракесин куран өрттөп эскерүү планы бүт дүйнөнүн көңүлүн бурду. Чиркөө башчысы Терри Жоунс бул пландан убактылуу баш тартканын билдирүүдө.
