10-сентябрда Баткен облусундагы чек ара кызматынын 21 жаштагы жоокери Б.Жураев оор абалда ооруканага жеткирилип, алган жаракатынан каза болгон. Баткен райондук милиция кызматкерлеринин иликтөөсүндө аны чек ара кызматында контрактык негизде кызмат кылган 24 жаштагы С.У. катуу токмоктогону аныкталган. Учурда Баткен облусунун аскер прокуратурасы тарабынан кылмыш иши козголуп, окуянын чоо-жайы иликтенүүдө. Бул тууралуу Чек ара кызматынын нөөмөт бөлүмүнөн “Азаттыкка” билдиришти. (AJ)
