Шанхай Кызматташтык уюмуна кирген өлкөлөрдүн 2 жумалык аскерий машыгуусу башталды. Ага уюмга кирген 6 мамлекеттен 3 миңден ашуун киши катышууда. Түштүк Казакстандагы Матыбулак деген жерде болуп жаткан машыгууда аскерлер наркоаткезчилик, исламчыл согушкерлерге каршы күрөшүүгө даярдыктан өтүшмөкчү. Кыргызстан жана Тажикстандан ага 150 аскер жиберилген. Ал эми Казакстан, Россия жана Кытай миңден жоокерлерин жөнөтүшкөн. Өзбекстан чакыруу алганы менен, аскерлерин жиберүүдөн баш тартты.
