2010-жылдын 28-июнунда Чүй облусунун Кемин районуна караштуу үй-бүлөлүк медициналык борборду Эсеп палатасы текшерип, 2,2 млн. сом жетпей калгандыгын аныктаган. Бул тууралуу Саламаттык сактоо министрлигинин басма сөз кызматынан билдиришти. Маалыматка караганда, Эсеп палатасынын чыгарган корутундусуннун негизинде Чүй облустук прокуратурасы текшерип, жетпей калган 2,2 млн. сомду Кемин үй-бүлөлүк борборуна кайтартып берген. Ал эми аталган борбордогу кемчиликтерди териштирип, тиешелүү чара көрүү Саламаттык сактоо министрлигине тапшырылган. (AJ)
