Вэнь Цзябаонун айтымында, эгер Жапония кытайлык кеменин капитанын тезинен бошотпосо, анын өлкөсү “кошумча чараларды” көрөт. Муну менен Кытайдын жогорку жетекчиси Азиянын коңшу жана кубаттуу эки өлкөсүнүн ортосунда талашка айланган маселени биринчи ирет коментарийлеп олтурат. Кытайлык балык уулоочу кеменин капитаны Жапониянын күзөттө жүргөн кемелерине эки жума мурун туш келип, кармалган. Окуя Чыгыш Кытай деңизинде, эки өлкө тең өзүнүкү катары эсептеген аралдардын жанында болгон. Бул окуядан улам Кытай Жапония менен министрлер деңгээлиндеги байланышын токтоткон.
