Шаршембиде Кандагарда талиптердин үгүт-насаатын таратты деген негизде Ал-Жазира сыналгысынын оператору Мохаммад Надирди өкмөттүк күчтөр кармаган. Анын дагы бир кесиптеши менен жергиликтүү сыналгынын кабарчысы ооган жашыруун кызматы тарабынан кармалган. Мындай кармоолор ооган маалымат кызматкерлери менен укук коргоочулардын кыжырлануусун жаратты. Президент Карзай журналисттерди тезинен бошотууга чакырды. Кандагар провинциялык бийликтин маалымат катчысы журналист Надир Ооганстандын түштүгүндөгү убактылуу кармоочу жайда эки күн кармалагандан кийин бүгүн эртең менен бошотулгандыгын билдирди.
