Иракта мартта болгон парламенттик шайлоодо жеңген “Иракия” блогу премьер-министр Нури Малики башындагы жаңы өкмөт менен иштешүүдөн баш тартты. Экс-премьер Аяд Алави башындагы блоктун чечими Иракта жаңы өкмөт түзүлөт деген жети айдан берки үмүттү таш каптырды. Негизинен суннилер колдогон “Иракия” парламенттик шайлоодо 91 орунга, ал эми шиилердин Малики башындагы альянсы 89 мандатка ээ болгон. Ирак парламенти 325 орундуу.
Аяд Алави оболу “Иракияга” коалициялык өкмөттү куруу мүмкүнчүлүгү берилиш керек деп эсептейт.
