25-сентябрда Пакистандын Түндүк Вазиристан уруу аймагында чек арага жакын жердеги аскердик бекетке козголоңчулар кол салгандан кийин бул аймакты НАТОнун тик учактары бомбалап, 50 козголоңчу каза тапканы кабарланган. Пакистандын Тышкы иштер министрлиги Ооганстандагы чет элдик аскерлердин мандаты ооган чек арасында бүтөт деп айтылган билдирүү таркатты. Ага ылайык, эгер кырдаалды түзөтүүчү аракеттер көрүлбөсө, Исламабад «жооп берүүнүн жолдорун» караштырууга мажбур болот. "Нью-Йорк Таймс" гезитине ылайык, америкалык пилотсуз учактар Пакистанды үстүбүздөгү айда эле 20 жолу бомбалады.
