Коомдук телеканалдын Байкоочу кеңеши бүгүн КТРКнын башкы директорлугун тандоо сынагынын биринчи айлампасын өткөрдү. Буга байланыштуу өткөрүлгөн иш-чарада талапкерлерден келип түшкөн конверттер ачылып, алардын талапкерлерге коюлган суроо-талаптарга канчалык төп келери аныкталды. Натыйжада 20 талапкер кийинки айлампага катышуу укугун алышты. Анда талапкерлер Улуттук 1-каналды Коомдук телеканалга айлантуу боюнча өздөрүнүн программаларын сунушташат. КТРКнын башкы директорлугуна тандоонун экинчи айлампасы 7-октябрда болот.(ZKo)
