Бул туурасында Борбордук Шайлоо Комиссиясынын мүчөсү Жаркын Бапанова “Азаттыкка” билдирди. Анын айтымында учурда Кыргызстандагы бардык шайлоо бекеттерине факс жөнөтүлүп жатат. Добуш берүү күнү шайлоо бекеттериндеги дээрлик бардык протоколдор жана маалыматтар факс аркылуу БШКга келип турмакчы. Шайлоодо факстын колдонулушу Кыргызстанда алгачкы ирет ишке кирип, шайлоо бекеттерин факс менен камсыз кылууга Бириккен Улуттар Уюмунун Өнүктүрүү программасы көмөктөшүп жатат. (KKs)
