Германиянын Майн дайрасындагы Франкфурт шаарында салтка айланган жердештердин жыйынында оюн-зоок, конкурстар өткөрүлөт. 9-октябрга белгиленген курултайдын башкы коногу - Монте-Карлодогу цирк фестивалында быйыл башкы сыйлык алган “Эшимбековдун жигиттери” оюн коймокчу. Уюштуруучу Бакыт Көбөгөнөвдун "Азаттыкка" билдиришинче, курултайдын катышуучулары эртеси чогуусу менен Кыргызстандын Франкфурттагы консулдугунда парламенттик шайлоого добуш беришет. Курултайга Германиянын булуң-бурчунан 60 чакты киши келиши күтүлүүдө.
