Акыйкатчы БШКнын бир мүчөсүн жумуштан четтетүү боюнча президентке кайрылды

Акыйкатчы Турсунбек Акундун “Азаттыкка” билдиришинче, парламенттик шайлоого катышып жаткан Кыргызстан Элдик-демократиялык партиясынын тизмесинде Борбордук шайлоо комиссиясынын мүчөсү Жаркын Бапанованын бир тууганы Дуулат Бапанов бар. Мындан улам Акыйкатчы Ж. Бапанованы БШКнын мүчөлүгүнөн четтетүү керектигин айтып, президент Роза Отунбаевага жана БШКнын төрагасы Акылбек Сариевге кайрылуу жөнөткөнүн билдирүүдө.

БШК мүчөсү Жеңиш Акматов болсо Дуулат Бапанов партиянын тизмесинде буга чейин болгонун, бирок кийин талапкерлигин алып салганын “Азаттыкка” кабарлады. (KKs)