Линктер

logo-print
ишемби, 03-декабрь, 2016 Бишкек убактысы 21:52

АКШ элчилиги шайлоо өнөктүгү учурундагы күч колдонууларды сынга алды


Кечээ Америка Кошмо Штатынын Кыргызстандагы элчилиги октябрь айындагы парламенттик шайлоого байланыштуу ар кыл күч колдонууларды сындаган билдирүүлөрүн массалык маалымат каражаттарына таратты. Бул туурасында элчиликтин басма сөз кызматынын өкүлү Турат Макенбаев бүгүн «Азаттыкка» кабарлады. Билдирүүгө караганда, АКШ элчилиги шайлоо өнөктүгүнүн жүрүшүндө Бишкектеги партиялардын кеңсесине болгон кол салууларга карата кооптонууларын билдирип, Кыргыз бийлигин бул иш боюнча иликтөө жүргүзүүгө жана чагымчыларга тиешелүү чараларды көрүүгө чакырган. Мындан сырткары билдирүүдө АКШнын Кыргызстанда стабилдүүлүктү колдоп, жарандарды тынч шайлоого үндөй тургандыгы жазылып, таза жана адилет шайлоолор Кыргызстандын демократиялык жолдо бара жатканынын көрсөткүчү болоору айтылган. (KKs)

Азаттык Фейсбукта

XS
SM
MD
LG