Борбордук шайлоо комиссиясынын мүчөсү Абдымомун Мамраимовдун “Азаттыкка” билдиришинче, учурда Кыргызстандын бардык аймактарынан протоколдордун түп нускалары дээрлик жеткирилип бүтүп калды. “Азыр Баткен облусу менен Бишкектен гана калды. Бул жактын протоколдорунун түп нускалары бүгүн келет деп күтүлүүдө”, - дейт А. Мамараимов. БШК партиялардын өкүлдөрүн бул протоколдор боюнча жыйынтык чыгаруу ишине катышууну сунуштады. (ES)
