Француз президенти Николя Саркозинин чакыруусу менен Нормандиядагы Довил шаарына бүгүн немец канцлери Ангела Меркел жана орус президенти Дмитрий Медведев келет.Эки күндүк жыйында тараптар Европадагы коопсуздук проблемалары, экономикалык өнөктөштүк жана башка маанилүү маселелер боюнча кеңири пикирлешет. Француз жана немец лидерлери орус президентине НАТО өлкөлөрү менен бирге ракетадан коргонуу чөйрөсүндө кызматташууну жана башка демилгелерди сунуш кылышы ыктымал.
